يمكن السؤال ده اكتر سؤال بسمعه من سنين بعد السؤال العالمي : هو قالك فين
بص يا سيدي ويا ستي بعيد عن جو اللينكات الكتشيييير في حاجات بسيطة كدة تقدر تبدأ بيها حتى لو مش معاك فلوس تاخد كورس محترم او معندكش وقت (بس قبل ما اقول اي حاجة لازم تعرف ان اي حاجة ف الدنيا عشان تتعلمها لازم فيها الاستمرار , الايه ؟؟!! الاستمراااااااار , وعايزك تعرف حاجة كمان , انا اعرف واحد ما شاء الله بيتعلم اللغة ف 3 شهور يعني مفيش مستحيل )
إقرأ أيضاً من أين تبدأ تعلم اللغة الانجليزية
من أين تبدأ تعلم اللغة الانجليزية
لو عايز تتعلم انجليزي من البداية يبقي الافضل تحفظ الاساسيات زي الحاجات اللي ف البيت والوظائف وازاي تقدم نفسك والحاجات دي يعني تجيبهم منين .!! لو عجبك الكلام اللي ف البوست وفعلا محتاجهم , هبقي انزلهم ف بوست لوحدهم .
طيب ايه افضل طرق تعلم الانجليزي ؟؟؟!!!!
1- قراءة قصص باللغة الأنجليزية لتحسين مهارة القراءة Reading
لو لسة ف البداية خالص ممكن تقرا قصص انجليزي مصورة وتديب ترجمة الكلمة اللي تقف قصادك .
2- قصص إنجليزية مسموعة بصيغة MP3 لتحسين مهارة Listening
ودي اللي انا بفضلها شخصيا هي انك تقرأ قصص انجليزي ليها ساوند تراك , بمعني قصة تكون مقروئة ومسموعة , اما تجيبها ازاي , ف دي حاجة بسيطة خالص , مثلا قصة انت عارفها زي Spiders , Mask of gold او كتب على جوجل " audio novels with PDF "
فايدة النقطة 1و 2 انك هتقرا قصة ممتعة ,تعرف اسلوب كتابة الغرب , تسمع الانجليزي صح من اهله واخيرا هيبقي عندك حصيلة كويسة من الكلمات تتكلم بيها .
إقرأ أيضاً أفضل 10 تطبيقات لتعلم الانجليزية للاطفال
3- مشاهدة الأفلام الوثائقية باللغة الأنجليزية بدون ترجمة
( والافضل يكون فلم انت شوفته قبل كدة عشان متركزش ف الاحداث وتسيب السمع واللغة ) ازاي تجيب الترجمة الانجليزي للفلم اللي انت عايزه !! ممكن نقولها لو الناس احتاجتها .
4 - ممارسة اللغة بشكل يومى مع أصدقائك
انك تنزل تمارس على ارض الواقع يا برنس وتظبط الظبابيط بقيوعلى فكرة في اماكن كتييييييير ممكن تتكلم فيها مع اجانب او زي الاجانب ببلاش او بتاع عشرة جنيه , وابسطهم مكان حقير كدة في ناس يا دوب يعرقوا شوية انجليزي اسمه السفارة الامريكية وعارف بكام ؟ ببــــــــــــــلاش يا سيدي , يا دوب بس صورة البطاقة او الباسبور .
تعليقات
إرسال تعليق