أفضل قنوات تبسيط العلوم على اليوتيوب
كتير مننا لما بيقعد على اليوتيوب مبيعرفش يتفرج على ايه و يستفاد بفديوهات و يتفرج على مين خصوصا و فين اماكن الفديوهات دى!
علشان كدة قررت اقولكم على بعض من كنوز اليوتيوب و بعض القنوات الملهمه تفرق فى حياتك لو تابتعتهم و اصبحوا عندك مدخل يومى تتفرج على فديوا واحد بس تستفيد به فى حياتك .
إقرأ أيضاً 15 قناة علمية علي اليوتيوب للاطفال
أفضل قنوات يوتيوب الأنجليزية لتبسيط العلوم
1 - قناه Veritasium
عندها اكثر من 120 فيدا الفديو الواحد يعدى المليون مشاهده بتعرض كل اسبوع على اليوتيوب فديو علمى بيبسط العلوم بطريقة خرافيه تخليك تحب الفزياء و الهندسة و النظريات العمليه و تتمتع بيها
2 - قناه Vsauce
عليها اكتر من 10 مليون مشترك القناه مركزة برده على عرض العلوم بصورة بسيطة جدا و بتجذب المشاهدين انهم يتفرجوا عليها وخصوصا اسرار الرياضيات و علاقتها بحيل فى الواقع و بيحاول يجاوب على اسئلة غريبة يعنى مثلا " اية اللى هيحصل لو الشمس اختفت ؟! " " طيب لو الألكترونات وقفت عن الدوران و قررت ترتاح شوية اية اللى هيحصل ؟!
3 - قناه CGP Gray
القناه عليها اكترمن 2 مليون متابع بتتكلم عن العلوم و الفضاء بصورة الأنيمشن و العرض الشيق و السفر عبر الزمان و بعض موضوعات الفلك
4 - قناه MinutePhysics
عليها اكتر من 3 مليون متابع من اجمد قنوات الفزياء اللى ممكن تشوفه Henry Rich لوحدة برنس فيها .. " دة عالم فزيائى عمل برنامج على ناشونال جيوجرافيك و شرح فيه من اول الأنفجار العظيم لحد ما وصلنا لعصرنا الحالى مروراً بكل النظريات " و طريقة شرحة عبقرية
5 - قناه Smarter EveryDay
البرنس دة بيحاول يخليك يزيد من مستوى ادراكك و بالتالى من مستوى ذكاءك كل يوم معلومه واحدة هتبقى زيه برنس كدة
6 - قناة Sci show
مجموعة من الشباب بيبسطوا الحياه اليومين و حاجات بتشوفها كل يوم من غير ما تعرف اية المغزى الفزيائى بتاعها او اتعملت ازاى و الفكرة وراها .. و بيبسطوها بحيث تفهمها و تستوعبها هما باين عليهم مجانين شوية بس كويسين جداً
7 - قناة Crach Course
دة بقى بيفسر الـ biology سواء فى جسم الانسان او الحيوان او النبات
8 - قناة Asap Science
هما شابين صحاب عملوا قناه بيشاركوا فيها العلم ملهمش موضوع محدد بيتكلموا فى مواضيع مختلفة مثلا فزياء و احياء و كمياء قدروا يجذبوا الناس لدرجه انهم وصلوا لـ 5 مليون متابع على اليوتيوب
9 - موقع TED
دى عباره عن مجموعة من الفديوهات فى مجالات كتيييييير جدا من اشخاص عاشوا التجربة و بيتكلموا عنها او بتكلموا عن افكار و مشاريع و كل شخص بيشرح فى متوسط وقت 20 دقيقة فى صورة جزابة جداً من خلال محاضرة قصاد جمهور
10 - قناه NASA
بتنزل عليها اجدد الاستكشافات و بتعمل افلام قصيرة بيعرضوا فيها رحلة البحث بتاعتهم وصلت لأية .
أفضل قنوات يوتيوب العربية لتبسيط العلوم
إقرأ أيضاً 10 مواقع مفيدة وهامة لا غني عنها
تعليقات
إرسال تعليق