7 خطوات تتعلم بيها ازاى تحسن نطقك و تتكلم زى الاجانب بالظبط
من اهم الاسباب اللى بيعتمد عليها تقييم الناس للانجليزى بتاعك اذا كنت ف شغلك او حتى مع اصحابك هو النطق علشان كده لازم يبقى النطق بتاعك سليم و مخارج الالفاظ بتاعتك واضحه .
قبل كل حاجه لازم تحدد اذا كنت هتتعلم American accent ولا British accent
تعال اقولك اسهل 7 خطوات تتعلم بيها ازاى تحسن نطقك و تتكلم زى الاجانب بالظبط:
1 - تعلم النطق الصحيح
اهم حاجه لازم تتعلم صوت كل حرف بيتنطق ازاي Phonetic Alphabet و تعرف الفروق بينها و تعرف ازاى تنطقها زى الاجانب
ده لينك هيساعدك انك تعرف كل الاصوات اللى فى الانجليزى من هنا
2 - التحدث بطلاقة مثل متحدثى اللغة الأصليين
نبره صوتك بتأثر على اللى ادامك دى حاجه كده اسمها Intonation دى معناها انك تعلى صوتك ف جزء من كلامك علشان اللى ادامك يركز معاك اكتر او تتكلم بنبرتك العاديه زى باقى الكلام .حاول انك تعمل ميكس بينهم علشان مش يبقى كلامك كله بصوت عالى فتزعج اللى ادامك او تتكلم بنفس النبره فده يسبب ملل.
إقرأ أيضاً من أين تبدأ تعلم اللغة الانجليزية
3 - تعلم مهارة Listening skill
تعمل Stress على الكلمه معناها ان كل كلمه ف الانجليزى مقسومه لاجزاء اجزاء بيضغط عليها و اجزاء تانيه لا علشان تتنطق صح. وده ممكن تعرفها عن طريق قاموس قوى زى Oxford او Cambridge
4 - Train your ears
صوتك وحش مش مهم خالص المهم انك هتغنى علشان تتعلم .الخطوه دى اسمها Train your ears.
واسهل طريقة علشان تعمل ده انك تسمع حاجة انت بتحبها فيلم بقى كارتون او اغاني مش فارقة الفكرة ان ده بيخليك تتدرب على الـIntonation لان مش كل الكلام بنفس النبره و كمان بتتدرب على Stress فبتحفظ الكلمات بالطريقه الصح وكمان بالا Accent بتاعتها.
5 - القصص المسموعة MP3
ياريت تكون بتحب القرايه لانها هتساعدك كتير بس متقرأش بعنيك بس وعلشان اسهل عليك الموضوع ده لينك لقصص مسموعه تساعدك ع تحسين نطقك من هنا
6 - تعلم الكلمات الجديدة
اعمل List اكتب فيها كل الكلمات الجديدة عليك ودايما حطها في جمل كتير واقراها باستمرار لأن حفظ الكلمات بيكون اسهل لما بتبقى في جمل.
7 - الأنجليزى لغتك اليومية
لازم و مهم جدا انك تتكلم معظم الوقت English مع اي حد علشان تصححوا لبعض ولو ملقيتش اتكلم مع نفسك في المراية :) .. المهم انك تتكلم.
إقرأ أيضاً تعلم اللغة الانجليزيه من المنزل
تعليقات
إرسال تعليق